कुत्ते (Kutte)

This is a poem that my roomie Arun had written long time back, but he revealed it to me some days back. I liked the idea behind it…and so here it is..its titled “Kutte”

kutte bhonkte hain
kaat te hain
jab paagal ho jaen
toh kisi ko bhi kaat leinte hain
kisi ko bhi aaj tak
is baat ki samajh nahin
ki waisa kyun karte hain
par fir bhi
log kutton ki tarah bhonkte hain..kaat te hain
kaash unko yeh pata ho jaye
ki kutte aisa kyun karte hain
veh chand ke kshitij ke
us paar chale jaen
jahan aaj tak koi nahin gaya
aaj ka to sabab ban gaya hai
kisi se thodi jhidak ho gayi..bhaunk do
naukri chahiye, promotion chahiye, vote chahiye, kursi chahiye,
aur kya kya nahin
bus dum hilao
kaam na bane toh bhaunk do
sambhalkar, kaatna mat
kyunki sab ek se badhkar ek kutte hain
koi alsesian hai, koi labradorian hai
toh koi CBI ka bada sa, mota tagda, shikari kutta
ek pyari si, kamseen bhikhareen thi
footpath par anaath se nayi kali bani thi
ki kisi kutte ki nazar lag gayi
sale ne noch khasot khaya
woh bahadur nahin, gali ka harami aur awara kutta tha
jise veh kabhi apni bheekh ke roti ke tukde daal diya karti thi
bechari, pyari
kutte jab jhund main chalte hain
toh gali ka akela kutta,
dum hilata hua dubak sa jata hai
aaj ke kutte jab jhund mein chalte hain
toh woh dubak ta nahin, jhund mein shamil ho jata hai
naya karyakari sadasya kutta
kutte jab jhund mein chalte hain
keval bhaunkte hain, dabe kuchlon par
yeh kutte jab jhund banalein, train mein aag laga denge
petrol chhidak kar, sabko jinda jala denge
tinka se tan tak, rakh kar denge
bhagwa fahraenge, jayghosh karenge
jai sriram, ho gaya kaam
ya allah, balle balle,
sat sri akal, chahe aajae bhuchal
kutton ki ijjat hoti hai
shayad inhein pata nahin
par yeh pata hai
inki koi ijjat nahin
maa, bahu, beti, behen, sabki ijjat ho
sab bhaunkne ko aaye, khunti par tang denge
inhe kutton ki tarah bhaunkna aata hai
gurrana aata hai, kaatna aata hai
par, wafadari nahin aati
kutton ki wafadari jag prasiddh hai
inki bewafayi ke kisse hawaon mein gunjte hain
deewar ke iss paar se uss paar
kaan ke shravan parde ke iss paar se uss paar
spasht sune jaa sakte hain

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s